0 Comments
 Í gær var þátturinn þar sem Náttúrubarnaskólinn birtist í Landanum sýndur í sjónvarpinu.
Ég var sjálf mjög ánægð með þáttinn og hann var mjög skemmtilegur! Krakkarnir voru algjörir snillingar og strákurinn með allar marglytturnar var ótrúlega fyndinn! Reyndar eru allir krakkarnir sem koma í Náttúrubarnaskólann algjörir snillingar og töluðu þau um það þegar þau komu til að taka upp Landann hvað krakkarnir væru áberandi opnir, uppátækjasamir og spyrðu mikið. Þetta var ótrúlega skemmtilegt og þið getið horft á þáttinn með því að ýta á linkinn hérna fyrir neðan: http://www.ruv.is/frett/laera-ad-taka-eftir-tofrum-natturunnar  Í dag fór ég á ùtinámsráðstefnu á Úlfljótsvatni. Það var mjög áhugavert og skemmtilegt en þar var boðið upp á allskonar skemmtileg námskeið og smiðjur sem tengjast útnámi. Ráðstefnan var vel sótt og var boðið upp á mat og ótrúlega góða súkkulaðiköku!
Ég ákvað að fara í þrár smiðjur og einn fyrirlestur. Fyrsta smiðjan var um hvernig maður byggir og afmarkar útileiksvæði. Ég fór líka í útieldun sem var mjög áhugavert og ég get örugglega notað mjög mikið í Náttúrubarnaskólanum næsta sumar, Ég fór líka á fyrirlestur um útivísindi og hvað maður þarf að hafa í huga í útikennslu og lærði nordic walking sem var mjög skemmtilegt og erfitt haha en þar lærði ég skemmtilega leiki. Hlakka mikið til að nýta þetta næsta sumar!  Jæja sumarið var snilld, takk fyrir það!! Í sumar tók Náttúrubarnaskólinn á móti nokkrum hópum í maí sem var mjög skemmtilegt, við tókum til dæmis á móti 44 börnum úr grunnskólum í Búðardal, 14 nemendum í umhverfisfræði frá Bandaríkjunum, héldum kynningu á listamannaþingi Félags listamanna á Vestfjörðum, Grunnskóla börnum á Hólmavík sem komu með hænuunga í vist á Sauðfjársetrinu.
Takk fyrir sumarið! |
FréttirHér koma nýjar fréttir og viðburðir Náttúrubarnaskólans inn. Endilega fylgist með! Greinar
June 2024
Flokkar |
RSS Feed
