Takk fyrir sumarið!!

​Jæja sumarið var snilld, takk fyrir það!!

Í sumar tók Náttúrubarnaskólinn á móti nokkrum hópum í maí sem var mjög skemmtilegt, við tókum til dæmis á móti 44 börnum úr grunnskólum í Búðardal, 14 nemendum í umhverfisfræði frá Bandaríkjunum, héldum kynningu á listamannaþingi Félags listamanna á Vestfjörðum, Grunnskóla börnum á Hólmavík sem komu með hænuunga í vist á Sauðfjársetrinu. 

---

​Í fyrsta skipti hélt Náttúrubarnaskólinn tvö vikulöng leikjanámskeið í samstarfi við Strandabyggð. Námskeiðin voru skemmtileg og var meiri áhersla á leiki en á hefðbundnum Náttúrubarnanámskeiðum þó náttúruskoðunin hafi verið með líka. 

Í sumar voru svo líka hin hefðbundnu fimmtudagsfjör og þrjú helgarnámskeið. Í sumar bættist við nýtt þema tilraunaþema með opnun tilraunastofunnar sem við opnuðum líka í sumar.

Á Hamingjudögum opnaði líka ljósmyndasýningin Náttúrubörn á Ströndum ​Kaupfélagi á Hólmavík. 

Í sumar var Kaffikvörn sem var mjög vel sótt og við vorum mjög ánægð með. Það var sérstaklega gaman að sjá hvað mikið situr eftir hjá krökkunum eftir námskeiðin. 

Það var líka kvöldvaka í ágúst. Þá fórum við í leiki, grilluðum og sungum við varðeld í fjörunni. Það var ótrúlega skemmtilegt og tókst vel. Krakkarnir ákváðu líka að sýna leikrit sem við sömdum og settum upp daginn áður. ​

Takk fyrir sumarið!