Dagskrá Náttúrubarnahátíð á Ströndum 2024

Langar þig að komast í betri tengsl við þitt innra náttúrubarn? Á Náttúrubarnahátíð á Ströndum 12.-14. júlí gefst þér tækifæri til að finna og rækta náttúrubarnið í þér á skemmtilegri dagskrá fullri af allskonar fróðleik og fjöri!

​Náttúrubarnahátíðin verður haldin á Sauðfjársetrinu í Sævangi, þar sem Náttúrubarnaskólinn er til húsa.

Náttúrubarnahátíðin er fjölskylduhátíð og er aðgangur ókeypis 

Það er einnig frítt fyrir hátíðargesti að gista í tjaldi á Kirkjubóli sem er rétt hjá Sævangi en það er ekki eiginlegt tjaldstæði og ekki aðgangur að rafmagni. Það er frábært tjaldsvæði á Hólmavík þar sem er rafmagn og ýmsir gististaðir í nágrenninu.

Veitingasala er á Sauðfjársetrinu (Kaffi Kind) alla helgina og er þar nóg úrval af allskonar réttum bæði fyrir grænkera og aðra.

ÆVINTÝRI - UPPLIFUN - ÚTIVIST - SKEMMTUN - FRÓÐLEIKUR

Dagskrá:
Föstudagur 12. júlí
17:30 Fjölskyldu gönguferð í fjörunni
18:30 Setning hátíðarinnar og veðurgaldur
18:30 Hægt að kaupa súpu og grillaðar pylsur (grænmetis og ekki) í Sævangi
19:00 Með vindinum liggur leiðin heim: Mögnuð brúðuleikhússýning með Handbendi
20:00 Æsispennandi Náttúrubarnakviss

Laugardagur 13. júlí
12:00 Náttúrujóga
13:00 Stórskemmtileg töfrasýning með Jóni Víðis töframanni
13:30 Náttúrufjör: Bogfimi, hestar, eldsmiðja, kajakar, tilraunastofan, náttúrubingó, furður náttúrunnar skoðaðar með Náttúruminjasafni Íslands, grillaðar pylsur og fleira
15:00 Náttúrukórónusmiðja með Þykjó
16:30 Rykmýsóróar með Náttúruminjasafni Íslands
18:00 Fuglafjör: Trítlað um teistuvarpið
18:00 Hægt að kaupa grillaðar pylsur og súpu
20:00 Fjölskyldutónleikar með Gunna og Felix
21:00 Drauga- og tröllasögur í Sagnahúsinu

Sunnudagur 14. júlí
11:00 Núvitundarævintýri
12:00 Vísinda Villi með magnaða vísindasýningu
13:00 Spennandi villijurtasmiðja með Arfistanum
15:00 Fjölskylduplokk

Hátíðin er styrkt af Uppbyggingarsjóði Vestfjarða og Orkubúi Vestfjarða og í samstarfi við Náttúruminjasafn Íslands. 

Hægt er að fylgjast með á Facebook hér: 
www.facebook.com/events/295506999786458

​Sjáumst!