Dagskrá Náttúrubarnahátíðar 2020

Náttúrubarnahátíðin verður með aðeins minna sniði í sumar en áður vegna covid-19. Í þetta skipti verður hún einn dagur í stað þriggja. Engu að síður verður full dagskrá af fjöri og við hlökkum til að sjá ykkur.

​Langar þig að komast í betri tengsl við þitt innra náttúrubarn? Á Náttúrubarnahátíð á Ströndum þann 11. júlí gefst þér tækifæri til að finna og rækta náttúrubarnið í þér á skemmtilegri dagskrá fullri af allskonar fróðleik og fjöri!

Náttúrubarnahátíðin verður haldin á Sauðfjársetrinu í Sævangi, þar sem Náttúrubarnaskólinn er til húsa.

Náttúrubarnahátíðin er fjölskylduhátíð og verður aðgangur ókeypis 

Laugardagurinn 11. júlí
11:00 Náttúrujóga með Hvatastöðinni
12:00 Rölt eftir stígnum Sjávarslóð og framkvæmdur Veðurgaldur
12:00 Hægt að kaupa súpur og samlokur í Sævangi
12:30 Magnað atriði frá Sirkus Íslands
13:00 Spennandi útismiðja með Jóni Víðis
14:30 Náttúruhljóðsmiðja, hljóðum úr náttúrunni safnað og notuð í tónverk með aðstoð tækninnar, Auður Viðarsdóttir er listrænn stjórnandi smiðjunnar
16:00 Gönguferð í teistuvarpið, kíkt á teistuunga sem búa í kössum í fjörunni
17:00 Strandahestar, bogfimi og opið hús í tilraunastofunni
17:00 Hægt að kaupa grillaðar pylsur í Sævangi
19:00 Töfrasýning með Jóni Víðis
20:00 Stuðboltinn Raggi Torfa stjórnar fjörusöng
21:30 Trölla- og draugasögur í Sagnahúsinu
Við skulum öll passa vel upp á sóttvarnir. Náttúrubarnahátíðin í ár er smærri í sniðum en áður og verður hún haldin á einum degi þann 11. júlí að langmestu leyti utandyra 
Náttúrubarnahátíð 2020 er styrkt af Uppbyggingasjóði Vestfjarða