​Þann 19. júní klukkan 16:00 verður dagur hinna villtu blóma haldinn í Náttúrubarnaskólanum í samvinnu við Flóruvini og Náttúrustofu Vestfjarða og eru allir hjartanlega velkomnir!! Dagrún Ósk verður með stutta kynningu á Náttúrubarnaskólanum, svo verður Hafdís Sturlaugsdóttir með fróðlegt og skemmtilegt erindi um gróðurfar á Ströndum og verður svo farið í gönguferð í nágrenni Sævangs þar sem Hafdís segir frá villtum blómum sem á vegi okkar verða. 

Kaffi og kökur verða á boðstólum á Sauðfjársetrinu í Sævangi fyrir 1200 kr. fyrir 13 ára og eldri, 600 kr. 6-12 ára og frítt fyrir yngri! 

Hlökkum til að sjá ykkur!

Fimmtudaginn 13. ágúst verður fjöru og sjávarþema í Náttúrubarnaskólanum. 

Þá ætlum við að gera ýmislegt skemmtilegt, fara í fjöruferð, senda flöskuskeyti, skoða fiska og þara og margt fleira. 

Skráning á facebook síðu Náttúrubarnaskólans, í síma 661-2213 eða á natturubarnaskoli@gmail.com. 

Þriðjudaginn 11. ágúst kl. 20 verður Náttúrubarna spurningakeppni haldin á Sauðfjársetrinu fyrir börn og fullorðna. 

Keppnin verður í anda pub quiz þar sem tveir eru saman í liði og svara spurningum á blað. 

Spurningarnar geta verið um allt á milli himins og jarðar en flest tengist það þó náttúrunni á einn eða annan hátt. 

Frítt er að koma og taka þátt en hægt verður og að kaupa kaffi, kökur og djús á staðnum fyrir 1200 kr. 

Mánudaginn 10. ágúst verður örnámskeið í Náttúrubarnaskólanum frá 13-15. Það er kjörið fyrir börn og fullorðna að koma saman og verður stút fullt af fróðleik, útivist og fjöri. Verð 1500 kr. 

Náttúrubarnaskólinn 6. ágúst verður með jurta og plöntuþema. Þá ætlum við að gera ýmislegt skemmtilegt tengt jurtum og plöntum. Við ætlum í gönguferð aðeins upp á fjall og læra um plöntur, safna jurtum og gera jurtaseyði, læra jurtalitun og margt fleira. Náttúrubarnaskólinn er frá 13-17 og kostar 2500.-

Í ágúst ætlum við að ganga af göflunum í Náttúrubarnaskólanum. Þá verður farið í margar stuttar gönguferðir út um allar trissur. Fyrsta gönguferðin í þessu átaki er 1. ágúst kl. 20 og þá verður gengið frá áningarstaðnum í Húsavík og eftir fjörunni að Sævang. Þáttaka í gönguferðunum er ókeypis og þarf ekki að skrá sig heldur er nóg að mæta á staðinn. Þessar gönguferðir verða auglýstar á facebook síðu Náttúrubarnaskólans: facebook.com/natturubarnaskoli

Skemmtileg kvöldganga fyrir fullorðna og börn með leiðsögn. Það verður lagt af stað frá Sævangi kl. 20:00 og gengið um í grendinni undir leiðsögn Jóns Jónssonar. Það verður svo endað á notalegu kvöldkaffi í Sævangi og kostar 1200 kr.

Næsta fimmtudagsþema, 30. júlí, í Náttúrubarnaskólanum er fjöru- og sjávarþema. Þá ætlum við að fara í fjöruferð og skoða allt það skrítna og skemmtilega sem maður finnur í fjörunni. Svo ætlum við að læra um flóð og fjöru, senda flöskuskeyti, gæða okkur á jurtum sem vaxa í fjörunni, búa til hálsmen úr rekavið, mála með þara og margt fleira.