 Langar þig að komast í betri tengsl við þitt innra náttúrubarn? Á Náttúrubarnahátíð á Ströndum helgina 19.-21. júlí gefst þér tækifæri til að finna og rækta náttúrubarnið í þér á skemmtilegri dagskrá fullri af allskonar fróðleik og fjöri!
Náttúrubarnahátíðin verður haldin á Sauðfjársetrinu í Sævangi, þar sem Náttúrubarnaskólinn er til húsa. Náttúrubarnahátíðin er fjölskylduhátíð og verður aðgangur ókeypis. Föstudagur 19. júlí 17:00 Fuglafjör: Trítlað um teistuvarpið. 18:00 Formleg setning hátíðarinnar. Gengið að veðurupplifunarstöðinni og framkvæmdur veðurgaldur til að tryggja gott veður alla helgina. 18:00 Hægt að kaupa súpu og grillaðar pylsur (bæði grænmetis og ekki) í Sævangi. 19:00 Mögnuð töfrasýning með Jóni Víðis. 20:00 Náttúrubarnakvissið, æsispennandi spurningaleikur fyrir alla fjölskylduna. Hægt verður að kaupa vöfflur í Sævangi. 22:00 Melasysturnar Ellen og Árný Björnsdætur halda uppi fjörinu í fjörusöng. Laugardagurinn 20. júlí 11:00 Náttúrujóga með Esther Ösp hjá Hvatastöðinni. Fullkomin leið til að komast í tengsl við sitt innra náttúrubarn. 12:00 Undrin á plánetunni jörð, stórskemmtilegt spjall með Stjörnu Sævari fyrir börn og fullorðna. 13:00 Náttúra og vísindi! Básar þar sem hægt er að ganga á milli og kynnast ólíkum rannsóknum sem tengjast náttúrunni, sjónum, gróðri og dýralífi. Strandahestar verða á staðnum, opið hús í tilraunastofunni og plastdýragarðinum. Súpa og grillaðar pylsur (bæði kjöt og grænmetis). 15:00 Tilraunasmiðja með Jóni Víðis. 16:30 Náttúrupopp með Ellen Scheving, poppað yfir opnum eldi. 17:15 Leikhópurinn Miðnætti sýnir stórskemmtilega tón- og leiklistarbræðinginn Sögur af nautum. 18:00 Hægt að kaupa grillaðar pylsur og súpu (bæði grænmetis og ekki) í Sævangi. 20:00 Tónleikar og skemmtun með Jónsa í Svörtum fötum. 21:30 Drauga- og tröllasögur í sagnahúsinu! Sunnudagurinn 21. júlí 11:00 Skemmtilegt spjall um sjósund með Pétri Húna og Hafdísi Hrund og kjörið tækifæri til að prófa að skella sér í sjóinn. 13:00 Sirkus Íslands skemmtir í Sævangi! 13:30 Spennandi náttúrusmiðja með Arfistanum Ástu Þórisdóttur. 15:00 Leikjasmiðja með Jóni Víðis á útivellinum í Sævangi. 16:00 Fjöruplokk! Plokkað í fjörunni við Sævang.
0 Comments
 Við erum á fullu að undirbúa Náttúrubarnahátíðina sem verður haldin helgina 19.-21. júlí í sumar! Við erum ótrúlega spennt að segja ykkur frá því hvað verður um að vera en þar er alveg öruggt að hún verður stútfull af allskonar útivist, fróðleik og skemmtun þannig að það er um að gera að taka helgina frá. Í ár verður aðgangur að hátíðinni ókeypis. Hægt er að tjalda í nágrenninu og kaffihús og matur á staðnum!
 Langar þig að komast í betri tengsl við þitt innra náttúrubarn? Vertu þá velkomin á Náttúrubarnahátíð á Ströndum. Þar gefst þér tækifæri til að finna og rækta náttúrubarnið í þér á skemmtilegri dagskrá fullri af allskonar fróðleik og fjöri! Hátíðin er fyrir alla fjölskylduna og náttúrubörn á öllum aldri! Það verður nóg um að vera fyrir alla fjölskylduna á Náttúrubarnahátíðinni, þar verða tónleikar með Ylju og Svavari Knút, töframaðurinn Ingó Geirdal mætir á Svæðið, framkvæmdur verður veðurgaldur, útieldunarsmiðja, trommusmiðja, fjallgöngur, náttúrujóga, sjósund, hestar, draugasögur, spurningaleikur, fróðleikur og fjör!
 Föstudaginn 21. júlí verður auka námskeið í Náttúrubarnaskólanum í tilefni þess að Landinn er að koma í heimsókn! Námskeiðið verður aðeins 2 klst. frá kl. 13:00-15:00! Þá verður brot af því besta, við ætlum að fara að skoða teistu ungana, búa til jurtaseyði og fleira skemmtilegt!
Skráning er í síma 661-2213, á natturubarnaskoli@gmail.com og á facebook síðu Náttúrubarnaskólans.  Dagana 19.-21. júlí verður Náttúrubarnaskólinn með safnasnappið sem er Snapchat sem gengur á milli safna og fólk getur sýnt frá starfinu.
Það verður nóg um að vera þar sem fyrsta daginn verður Náttúrubarnaskólinn með námskeið í jurtaseyðisgerð, á fimmtudeginum er náttúrubarnanámskeið og á föstudeginum er Landinn að koma í heimsókn! Endilega addið Safnasnapp og fylgist með okkur! Einnig er Náttúrubarnaskólinn sjálfur á Snapchat undir nafninu natturuborn |
RSS Feed
